Komiese storievertelstyl

MET Mel die Storieverteller TEKS EN VERVAARDIGER Melanie Welgemoed MUSIEK Peach van Pletzen CHOREOGRAFIE Replay Dance Centre

Soos die 2025-debuut, maar heeltemal anders! Mel die Storieverteller het in 2025 by die KKNK met haar derde komiese vertoning, Internet Sensasie, gedebuteer. Sedertdien is hierdie vertoning meer as 80 keer opgevoer, en soos ’n lomp aartappel wat deur ’n helse tyd gaan om in legendariese vodka te verander, het hierdie show vele gedaanteverwisselings ondergaan.
Die begin bestaan nie meer nie en is vervang, die middel het ’n ekstra karakter se storie by en die einde is meesterlik verfyn in ’n chaotiese, komiese extravaganza. Internet Sensasie 2.0 is spesiaal vir die KKNK. Vir almal wat die debuut gesien of misgeloop het, en mal is oor Mel die Storieverteller se skreeusnaakse stories – kom sit aan vir ’n hoë-energie-bediening van komedie uit die boonste rakke.

Afrikaans • Geen o. 13 T • 80 min.