MET Marion Holm TEKS Marion Holm en Chris Vorster REGIE Chris Vorster BELIGTINGSONTWERP Kosie Smit VERVAARDIGER Handyminds
Desperaatheid laat jou na grashalms gryp. In Suid-Afrika is ons emosioneel desperaat om net asseblief tog bietjie positief te voel en hoop te kry vir iets. So Gryp elke grasHOLM wat jy kan kry – jy sal uitloop met ’n positiewe perspektief, ’n hoopvolle hart en ’n groot giggel. Marion Holm doen in hierdie splinternuwe eenvrouvertoning wat sy altyd doen: komedie met baie hart.