Komedie

MET Marion Holm en Dean John Smith TEKS EN REGIE Retief Scholtz

Tessa is nie onder ’n kalkoen uitgebroei nie. Sy wéét vanaand se funksie en die belaglike “toekenning vir lewenslange bydrae” wat sy ontvang, is om subtiel te sê haar tyd is verby. Tessa gaan nie opdaag nie en die stotterende Thomas het sy hande vol om haar te oortuig om tog te gaan. Marion Holm en Dean John Smith speel die verhoog vuurwarm in hierdie stuk oor seekatte en wat ons doen om oukei te wees – daar is baie om oor te lag, maar, vir balans, ook heelwat om oor te huil.

’n Ko-produksie van Innibos en die Vrystaat Kunstefees.

Afrikaans • Geen o. 13 T • 75 min.