DEBUUT

Drama

MET Anna-Mart van der Merwe, Antoinette Kellermann, Rolanda Marais, Tinarie van Wyk Loots, Carla Smith en Geon Nel TEKS Tom Lanoye OORSPRONKLIKE TITEL Atropa: de wraak van de vrede REGIE EN ONTWERP Marthinus Basson STELONTWERP EN VERHOOGBESTUURDER Nicolaas de Jongh ASSISTENTVERHOOGBESTUURDER Jean du Plessis VERVAARDIGER KKNK

In ’n wêreld verskeur deur oorlog, ongelykheid en die nalatenskap van kolonialisme, tref Atropa soos ’n pyl in jou vlees. Die gevierde Vlaamse skrywer Tom Lanoye se herbesinning oor die Trojaanse oorlog is nie net ’n hervertelling nie – dit is ’n radikale aanklag teen die hedendaagse magsug, patriargie en die politiek van geweld.
Teen die agtergrond van globale konflik en ’n eeueoue stryd teen geslagsgebaseerde geweld, staatsmag en historiese trauma, word Atropa ’n spieël vir ons tyd. (Griekse en Trojaanse) vroue – moeders, minnaresse, vegters – staan vas teen die vernietiging wat deur mans gedryf word. Hul stemme, eeue lank stilgemaak, weerklink nou luid en duidelik – dit is ’n liriese aanklag gevul met woede, weerstand en wraak. Die produksie, getuig van ’n hedendaagse dringendheid, gevestig in die historiese en klassieke konteks. Atropa is nie net ’n drama nie. Dit is ’n vergelding. ’n Ritueel. ’n Wekroep om vrede in ’n wêreld verslaaf aan oorlog.

’n KKNK-produksie, moontlik gemaak deur NATi.

Afrikaans • Geen o. 13 T • 120 min.